மத்திய அரசு விளக்கம்: மார்ச் 2026-க்குள் 500 ரூபாய் நோட்டுகள் செல்லாது? 500 Rupees Invalid is Fake News

500 Rupees Invalid is Fake News: மார்ச் 2026-க்குள் 500 ரூபாய் நோட்டுகள் புழக்கத்தில் இருந்து திரும்பப் பெறப்படும் என்ற ஒரு பொய்யான செய்தி வருகிறது. இந்த வீடியோ பெரும் பரபரப்பையும், மக்களிடையே குழப்பத்தையும், அச்சத்தையும் ஏற்படுத்தியுள்ளது.

மத்திய அரசு மற்றும் ரிசர்வ் வங்கியின் தெளிவுரை:

இந்த வதந்தி குறித்து மத்திய அரசு உடனடியாக தனது தெளிவுரையை வெளியிட்டுள்ளது. பத்திரிகை தகவல் பணியகத்தின் (PIB) உண்மைச் சரிபார்ப்புப் பிரிவு, இந்தத் தகவல் முற்றிலும் தவறானது என்றும், 500 ரூபாய் நோட்டுகள் ரத்து செய்யப்படவில்லை என்றும், அவை சட்டப்பூர்வமான பணமாகவே தொடரும் என்றும் திட்டவட்டமாக அறிவித்துள்ளது. இந்திய ரிசர்வ் வங்கி (RBI) 500 ரூபாய் நோட்டுகளை திரும்பப் பெறுவது குறித்து எந்த அறிவிப்பையும் வெளியிடவில்லை என்பதையும் தெளிவுபடுத்தியுள்ளது.

வதந்திக்குக் காரணம் என்ன?

சமீபத்தில் ரிசர்வ் வங்கி வெளியிட்ட ஒரு சுற்றறிக்கையே இந்த வதந்திக்கு காரணமாக இருக்கலாம் என நம்பப்படுகிறது. அந்த சுற்றறிக்கையில், ஏடிஎம்களில் ரூ.100 மற்றும் ரூ.200 நோட்டுகளின் புழக்கத்தை அதிகரிக்க வங்கிகளுக்கு உத்தரவிடப்பட்டிருந்தது. இது ரூ.500 நோட்டுகளை திரும்பப் பெறுவதுடன் எந்த தொடர்பும் இல்லை என்றும், சிறிய மதிப்புள்ள நோட்டுகளின் பற்றாக்குறையை குறைத்து, மக்கள் சில்லறை பெற சிரமப்படாமல் இருக்கவே இந்த நடவடிக்கை எடுக்கப்பட்டதாகவும் அரசு விளக்கமளித்துள்ளது.

மத்திய அரசு வெளியிட்ட சூப்பர்வைசர் வேலை விண்ணப்பிக்கும் லிங்க் இதோ! Central Government Job 2025 CSL

முக்கியமான அறிவுரை:

பொதுமக்கள் இதுபோன்ற தவறான தகவல்களையும், வதந்திகளையும் நம்ப வேண்டாம் என்றும், அரசு மற்றும் ரிசர்வ் வங்கியின் அதிகாரப்பூர்வ அறிவிப்புகளை மட்டுமே நம்ப வேண்டும் என்றும் வலியுறுத்தப்பட்டுள்ளது. எந்த ஒரு செய்தியையும் நம்புவதற்கு அல்லது பகிர்வதற்கு முன், அதிகாரப்பூர்வ ஆதாரங்களில் இருந்து சரிபார்த்து உறுதிப்படுத்திக் கொள்ளுமாறு கேட்டுக் கொள்ளப்பட்டுள்ளது.

சுருக்கமாக, 500 ரூபாய் நோட்டுகள் தொடர்ந்து புழக்கத்தில் இருக்கும், அவை செல்லாததாக அறிவிக்கப்படவில்லை.