மகளிர் உரிமைத்தொகை ரூ.1000 இன்று முதல் விண்ணப்பிக்கப்படும்! எங்கு விண்ணப்பிப்பது?- மாவட்ட வாரியாக முகாம்கள் நடைபெறும் இடங்கள்!
Magalir Urimai Thogai 2025 District Wise Camp Details
Magalir Urimai Thogai 2025 District Wise Camp Details: கலைஞர் மகளிர் உரிமைத் தொகை (Kalaignar Magalir Urimai Thogai) திட்டத்திற்கு புதிதாக யார் யார் விண்ணப்பிக்கலாம் என்பது குறித்து தமிழ்நாடு அரசு விரிவான விளக்கத்தை அளித்துள்ளது. ஜூலை 15 முதல் உங்கள் பகுதியில் நடைபெறும் “உங்களுடன் ஸ்டாலின்” முகாம்களில் விண்ணப்பிப்பதற்கு முன், இதற்கான தகுதிகளைத் தெரிந்துகொள்வது அவசியம்.
மேலும் முக்கிய அறிவிப்புகள் மற்றும் வேலைவாய்ப்பு தொடர்பான அனைத்து தகவல்களையும் உடனுக்குடன் தெரிந்து கொள்ள எங்கள் whatsapp குரூப்பில் இணையுங்கள்
| Whatsapp Group | Join |
| Whatsapp Channel | Join |
யார் விண்ணப்பிக்கலாம்?
சென்னை தலைமைச் செயலகத்தில் செய்தியாளர்களைச் சந்தித்த ஐ.ஏ.எஸ் அதிகாரி அமுதா, கலைஞர் மகளிர் உரிமைத் திட்டத்திற்கு விண்ணப்பிக்கத் தகுதியுள்ள குடும்பங்கள் மற்றும் தனிநபர்கள் குறித்து விளக்கினார்.
- வருமான வரம்பு: குடும்பத்தின் ஆண்டு வருமானம் ரூ. 2.5 லட்சத்திற்கு மிகாமல் இருக்க வேண்டும்.
- அரசு ஊழியர்கள்: குடும்பத்தில் யாரும் மத்திய அல்லது மாநில அரசு ஊழியர்களாக இருக்கக் கூடாது.
- வரி செலுத்துவோர்: தொழில் வரி (Professional Tax) அல்லது வருமான வரி (Income Tax) செலுத்தாத ஏழை மற்றும் எளிய குடும்பங்களைச் சேர்ந்த பெண்கள் விண்ணப்பிக்கலாம்.
- நிலம் வைத்திருப்பவர்கள்: 5 ஏக்கர் நன்செய் நிலம் அல்லது 10 ஏக்கர் புன்செய் நிலம் வைத்திருப்பவர்களின் குடும்பப் பெண்கள் விண்ணப்பிக்கலாம். இதற்கு மேல் நிலம் வைத்திருப்பவர்கள் தகுதியற்றவர்கள்.
- வயது வரம்பு: கலைஞர் மகளிர் உரிமைத் திட்டத்தின் பயனைப் பெற, கட்டாயம் 21 வயது நிரம்பிய பெண்களாக இருக்க வேண்டும்.
- குடும்பத் தலைவி இல்லாத குடும்பங்கள்: குடும்பத் தலைவி இல்லாத குடும்பங்களில், தகுதியான வேறு பெண்கள் இருந்தால் அவர்கள் விண்ணப்பிக்கலாம்.
- திருமணமாகாதவர்கள், கைம்பெண்கள், திருநங்கைகள்: திருமணமாகாத பெண்கள், கைம்பெண்கள் மற்றும் திருநங்கைகள் தலைமையில் குடும்பங்கள் இருந்தால், அவர்களும் விண்ணப்பிக்கலாம்.
யார் விண்ணப்பிக்க முடியாது?
- குடும்ப வருமானம் ஆண்டுக்கு ரூ. 2.5 லட்சத்திற்கு அதிகமாக இருந்தால் விண்ணப்பிக்க முடியாது.
- குடும்பத்தில் மத்திய அல்லது மாநில அரசு ஊழியர்கள் இருந்தால் விண்ணப்பிக்க முடியாது.
- தொழில் வரி செலுத்தும் குடும்பத்தினர் விண்ணப்பிக்க முடியாது.
- மேலே குறிப்பிடப்பட்ட நில அளவை விட அதிகமாக நிலம் வைத்திருக்கும் குடும்பப் பெண்கள் விண்ணப்பிக்க முடியாது.
சிறப்புச் சலுகைகள்
- அரசின் வேறு திட்டங்களின் கீழ் ஓய்வூதியம் பெறுபவர்களின் குடும்பத்தில், ஓய்வூதியம் பெறுபவர்களைத் தவிர, தகுதியான பெண்கள் இருந்தால் அவர்கள் கலைஞர் மகளிர் உரிமைத் திட்டத்திற்கு விண்ணப்பிக்கலாம்.
- முன்னாள் அரசு ஊழியர்கள் ரூ. 2.5 லட்சத்திற்கும் குறைவான ஓய்வூதியம் பெறுபவர்களாக இருந்தால், அவர்களின் குடும்பத்தில் தகுதியான பெண்கள் இருப்பின் அவர்கள் கலைஞர் மகளிர் உரிமைத் திட்டத்திற்கு விண்ணப்பிக்கலாம்.
- அரசு மானியத்தில் வாழ்வாதாரத்திற்காக டிராக்டர் உள்ளிட்ட நான்கு சக்கர வாகனங்களை வாங்கிய குடும்பத்தினரும் கலைஞர் மகளிர் உரிமைத் திட்டத்திற்கு விண்ணப்பிக்கலாம் என்று அரசு தெளிவுபடுத்தியுள்ளது.
இந்த அரிய வாய்ப்பை தகுதியான பெண்கள் தவறவிட வேண்டாம்.
கலைஞர் மகளிர் உரிமைத் தொகை திட்டத்திற்கான “உங்களுடன் ஸ்டாலின்” முகாம்கள் தமிழ்நாடு முழுவதும் நடைபெற உள்ளன. இந்த முகாம்கள் ஜூலை 15 முதல் நவம்பர் மாதம் வரை அனைத்து மாவட்டங்களிலும் நடத்தப்படும்.
எங்கே நடைபெறும்?
- இந்த முகாம்கள் அனைத்து தாலுகாக்களிலும் நடத்தப்படும்.
- நகர்ப்புறப் பகுதிகளில் 3,768 முகாம்களும், ஊரகப் பகுதிகளில் 6,232 முகாம்களும் நடைபெற உள்ளன.
- பெரும்பாலான முகாம்கள் அருகில் உள்ள ரேஷன் கடைகளிலேயே நடைபெறும் என்றும், சில இடங்களில் திருமணம் மண்டபங்கள் போன்ற பெரிய இடங்களிலும் ஏற்பாடு செய்யப்படும் என்றும் தகவல்கள் தெரிவிக்கின்றன.
- ஈரோடு மாவட்டத்தில் மட்டும், 40 மாநகராட்சி, 41 நகராட்சிகள், 84 பேரூராட்சிகள் மற்றும் 175 கிராம பஞ்சாயத்துகளில் என மொத்தம் 340 சிறப்பு முகாம்கள் நடத்தப்பட உள்ளன.
உங்கள் பகுதியில் முகாம் நடக்கும் இடம் மற்றும் தேதியை எப்படி அறிவது?
- உங்கள் ஊரில் உள்ள தாலுகா அலுவலகத்தில் விசாரித்தால் முகாம் நடக்கும் இடம் மற்றும் தேதியை தெரிந்து கொள்ளலாம்.
- மேலும், ஒவ்வொரு மாவட்டத்திலும் முகாம் நடைபெறும் தேதி மற்றும் இடம் குறித்த விவரங்களை https://cmhelpline.tnega.org/ என்ற இணையதளம் மூலமும் பொதுமக்கள் அறிந்து கொள்ளலாம்.
- ஈரோடு மாவட்டத்திற்கு, www.erode.nic.in என்ற அதிகாரப்பூர்வ இணையதளத்தில் முகாம் விவரங்கள் பதிவேற்றப்பட்டுள்ளன.
- விண்ணப்பம் மற்றும் தகவல் கையேடு வழங்கும் தன்னார்வலர்கள் வீடு வீடாகச் சென்று முகாம் குறித்த விவரங்களை தெரிவிப்பார்கள்.
- மாவட்ட வாரியாக முகாம்கள் நடைபெறும் இடங்கள் –Click Now
முகாமின் நோக்கம்:
- கலைஞர் மகளிர் உரிமைத் திட்டத்தில் புதிதாக விண்ணப்பிக்க விரும்புபவர்கள் இந்த முகாம்களில் விண்ணப்பிக்கலாம்.
- ஏற்கெனவே விண்ணப்பங்கள் நிராகரிக்கப்பட்டவர்களும், சமீபத்திய தளர்வுகளால் தகுதி பெற்றவர்களும் மீண்டும் விண்ணப்பிக்கலாம்.
- இந்த முகாம்களில் கலைஞர் மகளிர் உரிமைத் திட்டம் மட்டுமல்லாமல், நகர்ப்புற பகுதிகளில் 13 அரசுத் துறைகளைச் சார்ந்த 43 சேவைகளும், ஊரகப் பகுதிகளில் 15 துறைகளைச் சார்ந்த 46 சேவைகளும் வழங்கப்படும்.
- மேலும், பொதுமக்களின் உடல்நலனைப் பேணும் வகையில் மருத்துவ முகாம்களும் நடத்தப்படும்.
எனவே, உங்கள் பகுதிக்குரிய முகாம் நடைபெறும் இடத்தையும் தேதியையும் அறிந்து, இந்த வாய்ப்பைப் பயன்படுத்திக் கொள்ளுங்கள்.