ஜூலை 22 கஜகேசரி யோகத்தால் 3 ராசிகளுக்கு பிரகாசமான எதிர்காலம்!
Gajkesari Yogam July 22 Rasi Palan
Gajkesari Yogam July 22 Rasi Palan : வேத ஜோதிடத்தின்படி, வலிமையான கிரகங்களில் ஒன்றான சந்திரன் தனது ராசியை அதிவேகமாக மாற்றும். அதன்படி, நாளை (ஜூலை 22, 2025) சந்திரன் ரிஷப ராசியிலிருந்து மிதுன ராசிக்கு குடியேறுகிறார்.
மேலும் முக்கிய அறிவிப்புகள் மற்றும் வேலைவாய்ப்பு தொடர்பான அனைத்து தகவல்களையும் உடனுக்குடன் தெரிந்து கொள்ள எங்கள் whatsapp குரூப்பில் இணையுங்கள்
| Whatsapp Group | Join |
| Whatsapp Channel | Join |
தொடர்ந்து இரண்டு நாட்களுக்கு மிதுன ராசியில் பயணிக்கும் சந்திரன், அங்கு ஏற்கனவே இருக்கும் குருவுடன் இணைந்து மங்களகரமான கஜகேசரி யோகத்தை உருவாக்குகிறார். இந்த கிரக நிலை மாற்றம், கன்னி உட்பட 3 ராசிகளின் வாழ்க்கையில் மகத்தான மாற்றங்களை உருவாக்கும் என நிபுணர்கள் குறிப்பிடுகிறார்கள்!
வேத ஜோதிடத்தில், கிரகங்களின் ஒவ்வொரு அசைவும் மனிதர்களின் வாழ்க்கையில் குறிப்பிடத்தக்க மாற்றங்களை ஏற்படுத்தும் என்று நம்பப்படுகிறது. குறிப்பாக சந்திரன் போன்ற முக்கிய கிரகங்களின் பெயர்ச்சி, மேஷம் முதல் மீனம் வரையிலான 12 ராசிகளின் வாழ்க்கையிலும் எதிர்பாராத மாற்றங்களை கொண்டு வரும்.
அந்த வகையில் தற்போது மிதுன ராசியில் குடியேறும் சந்திரனின் பெயர்ச்சியும் ஒரு முக்கிய நிகழ்வாகக் கருதப்படுகிறது. இந்த கிரக நிலை மாற்றம் யாருக்கு என்ன நன்மைகளை அளிக்கும் என்பதைப் பற்றி இங்கு விரிவாகப் பார்ப்போம்.
மிதுனம்!
மிதுன ராசியில் குருவுடன் இணையும் சந்திரன், மிதுன ராசியினரின் லக்ன வீட்டில் தாக்கத்தை உண்டாக்குகிறார். இது நிதி நிலை மற்றும் பொருளாதாரத்தைக் குறிக்கும் வீடாகும். இந்த பெயர்ச்சியால், உங்கள் நிதி நிலையில் ஏற்றம் காண்பதுடன், படைப்பாற்றல் மற்றும் அறிவாற்றலிலும் மேம்படுவீர்கள்.
- தொழில் மற்றும் வியாபாரம்: கலைத் துறையில் இருப்பவர்கள் தங்கள் திறமைகளை வெளிப்படுத்த இது ஒரு சிறந்த காலமாக அமையும். தொழில் வாய்ப்புகள் அதிகரிக்கும், கூட்டாண்மையில் தொழில் செய்யும் நபர்கள் தங்கள் தொழிலை வெளிநாடுகளுக்கும் விரிவுபடுத்தும் வாய்ப்புகள் கிடைக்கும். பணியிடத்தில் அலைச்சல் குறையும், உங்கள் திறமையைப் பார்த்து உயர் அதிகாரிகள் வியப்பார்கள். சுயதொழில் செய்யும் நபர்களுக்கு புதிய ஒப்பந்தங்கள் மற்றும் பெரிய ஆர்டர்கள் கிடைக்கும் வாய்ப்பு உள்ளது.
- காதல் மற்றும் குடும்ப வாழ்க்கை: காதல் வாழ்க்கையைப் பொறுத்தவரையில், உங்கள் காதல் துணை உங்கள் முயற்சிகளுக்கு ஆதரவாக இருப்பார், உங்கள் வாழ்க்கை லட்சியங்களை அடையத் தேவையான வசதி வாய்ப்புகளைப் பெற உதவுவார். உங்கள் காதல் துணை உங்கள் மீது மிகுந்த பாசத்தை வெளிப்படுத்துவார்.
- இருப்பினும், இதனை சாதகமாகப் பயன்படுத்தி உங்கள் கடந்த கால காதல் வாழ்க்கை குறித்து அவரிடம் மனம் திறக்க வேண்டாம். இது உங்கள் காதல் உறவைப் பாதிக்கலாம் என்பதால், எச்சரிக்கையுடன் இருப்பது நல்லது. குடும்ப வாழ்க்கையைப் பொறுத்தவரையில், உங்கள் குழந்தைகளுடன் மகிழ்ச்சியாக நேரத்தைச் செலவிடுவீர்கள். தம்பதியினரிடையே காதல் மற்றும் பரஸ்பர புரிதல் அதிகரிக்கும். உறவில் இருந்த மனஸ்தாபங்கள் முடிவுக்கு வந்து, மகிழ்ச்சியான உறவுக்கு வழி காண்பீர்கள்.
சிம்மம்!
மிதுன ராசியில் உருவாகும் கஜகேசரி யோகம், சிம்ம ராசியினரின் தன வீட்டில் மாற்றத்தை உண்டாக்குகிறது. இதன் விளைவாக சிம்ம ராசியினர் தங்கள் தொழிலில் எதிர்பாராத வருமானத்தைப் பெறுவார்கள். கஜகேசரி யோகத்தின் தாக்கம் உங்கள் பேச்சாற்றலை மேம்படுத்தும், அந்த வகையில் வார்த்தைகளை மூலதனமாகக் கொண்டு தொழில் செய்யும் நபர்கள் தங்கள் தொழிலில் சிறந்து விளங்கும் வாய்ப்பு உள்ளது.
- தொழில் மற்றும் வேலைவாய்ப்பு: வணிகம், விற்பனை, சந்தைப்படுத்துதல் துறையில் இருப்பவர்களுக்கு இது ஒரு சிறப்பான காலமாக இருக்கும். உலோகம் சார்ந்த தொழில், தொழிற்சாலை நடத்தி வரும் நபர்கள் கூடுதல் கவனத்துடன் இருப்பது நல்லது, தொழிற்சாலையில் ஏற்படும் எதிர்பாராத விபத்துகள், பொருட்சேதம், நிதி சேதம் ஆகியவற்றைத் தவிர்க்கலாம்.
- அலுவலகப் பணி மேற்கொள்ளும் நபர்களுக்கு புதிய பணி வாய்ப்புகள் கிடைக்கும். உங்கள் தொழிலை அடுத்த கட்டத்திற்கு கொண்டு செல்வதற்கான வழிகள் கிடைக்கும்.
- தனிப்பட்ட வாழ்க்கை: அரசு பணிக்காகக் காத்திருக்கும் நபர்களுக்கு நல்ல செய்தி கிடைக்கும். திருமணம் ஆகாதவர்களுக்கு நல்ல செய்தி கிடைக்கும் வாய்ப்பு உள்ளது. திருமண வாழ்க்கையில் மன அமைதியைக் காண்பீர்கள், உங்கள் வாழ்க்கை துணை உங்கள் விருப்பங்களுக்குச் செவி சாய்த்து, உங்கள் உணர்வுகளைப் புரிந்துகொள்வார்.
- குழந்தைகளின் கல்வி வாழ்க்கை சிறப்பாக இருக்கும், பள்ளி மற்றும் கல்லூரிகளில் நல்ல மாணவர் எனப் பெயர் எடுத்து உங்கள் பெயரைக் காப்பாற்றுவார்கள்.
கன்னி ராசியினர்!
மிதுன ராசியில் உண்டாகும் கஜகேசரி யோகம், கன்னி ராசியினரின் ஜாதகத்தில் 10-வது வீட்டில் மாற்றத்தை உண்டாக்குகிறது. இது தொழில் வாழ்க்கை, வியாபாரம், சமூக அந்தஸ்து, சாதனைகள் மற்றும் லட்சியங்களைக் குறிக்கும் வீடாகும். கஜகேசரி யோகத்தின் தாக்கம் புதிய தொழில் தொடங்குவதற்கான வாய்ப்புகளை கொண்டு வருவதுடன், ஏற்கனவே செய்து வரும் தொழிலை அடுத்த கட்டத்திற்கு கொண்டு செல்வதற்கான வாய்ப்புகளையும் அதிகரிக்கிறது.
- தொழில் மற்றும் கல்வி: வேலையின்றி காத்திருக்கும் நபர்களுக்கும் இது நன்மை பயக்கும் ஒரு யோகமாக அமைகிறது. அவர்களுக்குப் புதிய வேலை வாய்ப்புகள் கிடைக்கும். பணியில் இருக்கும் நபர்களின் அலுவலக அலைச்சல் குறையும். கல்வித் துறை சார்ந்த பணிகளில் இருப்பவர்களுக்கு இது சிறப்பான காலமாக இருக்கும்.
- மாணவர்களுக்கும் இது ஒரு சிறந்த காலம். உயர் கல்விக்காகப் போட்டித் தேர்வு, திறனாய்வுத் தேர்வு எழுதி காத்திருக்கும் நபர்களுக்கு நல்ல செய்தி கிடைக்கும். அரசு உதவித்தொகையுடன் வெளிநாடு சென்று உயர் கல்வி கற்கும் யோகமும் உள்ளது.
- நிதி மற்றும் குடும்ப வாழ்க்கை: நிதி நிலையைப் பொறுத்தவரையில், வியாபாரத்தில் போதுமான வருமானம் கிடைக்கும். உங்கள் கடன் பிரச்சனைகள் முடிவுக்கு வரும். வங்கிச் சேமிப்புகள் அதிகரிக்கும். உங்கள் குடும்ப வாழ்க்கையிலும் மகிழ்ச்சி உண்டாகும்.
- திருமணமான தம்பதியினர், குழந்தை தொடர்பான நற்செய்தியைப் பெறுவீர்கள். திருமணம் ஆகாதவர்கள் விரைவில் திருமணம் முடிப்பீர்கள். உறவினர்கள் வழியாக நல்ல வரன் கிடைத்து, மகிழ்ச்சியான மண வாழ்க்கை அமையும்!