தங்க நகை கடன் வாங்குபவர்களுக்கு புதிய தளர்வு அறிவிப்பு – புதிய விலக்கு
Reserve Bank of India Regarding New Rules Related to Gold Loans
Reserve Bank of India Regarding New Rules Related to Gold Loans : தங்கக் கடன் தொடர்பான புதிய விதிகள் குறித்து நிதியமைச்சகம் ரிசர்வ் வங்கிக்கு அளித்த பரிந்துரைகள் இவை:
| Whatsapp Group | Join |
| Whatsapp Channel | Join |
புதிய விதிகளை தளர்த்தப் பரிந்துரை:
தங்கக் கடன்களுக்கான புதிய கட்டுப்பாடுகளை தளர்த்தும்படி ரிசர்வ் வங்கிக்கு நிதியமைச்சகம் பரிந்துரை செய்துள்ளது. இது, குறிப்பாக சிறு கடனாளிகளுக்கு நிவாரணம் அளிக்கும் வகையில் உள்ளது.
ரூ.2 லட்சத்திற்கும் குறைவான கடன்களுக்கு விலக்கு: ரூ.2 லட்சத்திற்கும் குறைவாக தங்கக் கடன் வாங்குபவர்களை புதிய விதிமுறைகளில் இருந்து விலக்களிக்க வேண்டும் என நிதியமைச்சகம் வலியுறுத்தியுள்ளது.
இது கோடிக்கணக்கான சிறு கடனாளிகளுக்குப் பயனளிக்கும். இதன் மூலம், அவர்களுக்கு விரைவாகக் கடன் கிடைப்பது உறுதி செய்யப்படும்.
அமுலாக்க தேதி மாற்றம்:
புதிய விதிமுறைகளை ஜனவரி 1, 2026 முதல் அமுல்படுத்தலாம் எனப் பரிந்துரைக்கப்பட்டுள்ளது. இது வங்கிகள் மற்றும் வங்கி சாரா நிதி நிறுவனங்கள் (NBFCs) புதிய விதிமுறைகளுக்கு ஏற்ப செயல்பட போதுமான அவகாசம் அளிக்கும்.
பங்குதாரர்களின் கருத்துகள்:
இந்தப் பரிந்துரைகள் பொதுமக்கள் மற்றும் பங்குதாரர்களிடம் இருந்து பெறப்பட்ட கருத்துகளின் அடிப்படையில் மத்திய நிதியமைத்தகம் வழங்கியுள்ளது.
குறிப்பாக, தமிழ்நாட்டில் இருந்து பல்வேறு தரப்பினரும், அரசியல் தலைவர்களும் தங்கக் கடன் விதிகள் குறித்து கவலை தெரிவித்திருந்தனர்.
ரிசர்வ் வங்கியின் வரைவு வழிகாட்டுதல்கள்:
ரிசர்வ் வங்கி ஏப்ரல் 9, 2025 அன்று தங்கக் கடன்கள் குறித்த வரைவு வழிகாட்டுதல்களை வெளியிட்டது. இதன் முக்கிய அம்சங்கள்:
- Loan-to-Value (LTV) விகித வரம்பு: தங்கத்தின் மதிப்புக்கு 75% வரை மட்டுமே கடன் வழங்க முடியும். (அதாவது, ₹100 மதிப்புள்ள தங்கத்திற்கு ₹75 வரை கடன் கிடைக்கும்).
- தங்கத்தின் உரிமைச் சான்று: கடன் பெறுபவர்கள் தங்கத்தின் உரிமையாளர் என்பதை நிரூபிக்க வேண்டும் (ரசீது அல்லது உறுதிமொழிப் பத்திரம்).
- தூய்மை சான்றிதழ்: கடன் வழங்கும் நிறுவனங்கள் தங்கத்தின் தூய்மை மற்றும் மதிப்பு குறித்த சான்றிதழை வழங்க வேண்டும்.
- கடன் பயன்பாடு: சில கட்டுப்பாடுகள் மூலம் கடனின் பயன்பாடு கண்காணிக்கப்படும்.
- திரும்பச் செலுத்தும் முறை: ஒட்டுமொத்தமாகத் திரும்பச் செலுத்தும் (Bullet Repayment) கடன்களின் காலம் 12 மாதங்களாகக் குறைக்கப்படலாம்.
இந்த வரைவு வழிகாட்டுதல்கள் தங்கக் கடன் துறையில் ஏற்படும் அபாயங்களைக் குறைப்பதையும், சீரான ஒழுங்குமுறை கட்டமைப்பை உருவாக்குவதையும் நோக்கமாகக் கொண்டிருந்தன. தற்போது நிதியமைச்சகத்தின் பரிந்துரைகளை ரிசர்வ் வங்கி பரிசீலித்து வருகிறது.