புதிய வீடு கட்டுபவர்களுக்கு தமிழ்நாடு அரசு வெளியிட்ட மிகப்பெரிய குட்நியூஸ்..!
Tamil Nadu government for new home builders
Tamil Nadu government for new home builders : தமிழ்நாடு அரசு, மாநிலம் முழுவதும் புதிய வீடு கட்டுபவர்களுக்கான அனுமதி பெறுவது தொடர்பான புதிய விதிமுறைகளை வெளியிட்டுள்ளது.
மேலும் முக்கிய அறிவிப்புகள் மற்றும் வேலைவாய்ப்பு தொடர்பான அனைத்து தகவல்களையும் உடனுக்குடன் தெரிந்து கொள்ள எங்கள் whatsapp குரூப்பில் இணையுங்கள்
| Whatsapp Group | Join |
| Whatsapp Channel | Join |
குறிப்பாக, கிராம பஞ்சாயத்து எல்லைக்குட்பட்ட பகுதிகளில் வீடு கட்டுபவர்கள் இனி ஒற்றைச் சாளர முறையில் சுய சான்றை (Self-Certification) அடிப்படையாகக் கொண்டு கட்டிட அனுமதி பெறலாம். இது “ஒருங்கிணைக்கப்பட்ட தடைமுறை” (Integrated System) என அழைக்கப்படுகிறது.
சுய சான்றளிப்பு முறையின் நோக்கம்
இந்த புதிய முறை மூலம் கட்டிட அனுமதி பெறும் செயல்முறை எளிமையாக்கப்பட்டுள்ளது. இதன் முக்கிய நோக்கங்கள்:
- குடியிருப்பு கட்டிடத் திட்ட அனுமதியைப் பெறுவதற்கான விண்ணப்பம் மற்றும் நடைமுறையை எளிமைப்படுத்துதல்.
- கட்டிடத் திட்ட அனுமதியைப் பெறுவதில் ஏற்படும் தாமதங்களைத் தவிர்த்தல்.
- கட்டிடத் திட்ட அனுமதிக்கான கட்டணத்தைச் செலுத்துவதை எளிதாக்குதல்.
- ஒப்புதலுக்குப் பிந்தைய ஆய்வுகளை மேற்கொள்ளுதல்.
- கட்டிடத் திட்ட அனுமதியைப் பெறுவதில் இடைத்தரகர்களைத் தவிர்த்து, மக்கள் நேரடியாக விண்ணப்பித்து அனுமதி பெறுதல்.
யார் விண்ணப்பிக்கலாம்?
2000 சதுர அடிக்கு குறைவான மனைப்பரப்பில், 3000 சதுர அடி வரை தரைத்தளம் அல்லது தரை மற்றும் முதல் தளம் கொண்ட 2 குடியிருப்பு வரை உள்ள கட்டிடங்களுக்கு இந்த சுய சான்றளிப்பு முறை பொருந்தும். பொதுமக்கள் நேரடியாக https://onlineppa.in.gov.in என்ற இணையதள முகவரியில் விண்ணப்பிக்கலாம்.
தேவையான ஆவணங்கள்
சுய சான்று கட்டிட அனுமதி பெறுவதற்கான செயல்முறை எளிமையாக்கப்பட்டு, கீழ்க்கண்ட 5 முக்கிய ஆவணங்களைச் சமர்ப்பிப்பதன் மூலம் பெறலாம்:
- பதிவு செய்யப்பட்ட கட்டிட வல்லுநரால் கையொப்பமிடப்பட்ட திட்ட வரைபடம் (PDF வடிவத்தில்).
- விண்ணப்பதாரர் பெயரில் பதிவு செய்யப்பட்ட விற்பனைப் பத்திரம் (Registered Sale Deed in favour of the applicant).
- விண்ணப்பதாரரின் பெயரில் பட்டா.
- அங்கீகரிக்கப்பட்ட மனைப்பிரிவு ஆவணம் (Approved Layout Document).
- தள புகைப்படம் (Site Photograph).
கட்டணம் மற்றும் பிற விவரங்கள்
ஊராட்சிகளை வகைப்பாடு செய்து சுய சான்று கட்டிட அனுமதி வழங்கிடும் பொருட்டு கட்டணம் நிர்ணயம் செய்யப்பட்டுள்ளது.
திருப்பத்தூர் மாவட்ட ஆட்சியரின் அறிவிப்பு:
திருப்பத்தூர் மாவட்டத்திற்குட்பட்ட அனைத்து கிராம ஊராட்சிகளிலும் Self-Certification நடைமுறைப்படுத்த வேண்டும் என மாவட்ட ஆட்சித்தலைவர் உத்தரவிட்டுள்ளார். பொதுமக்கள் https://onlineppa.gov.in என்ற இணையதள முகவரியில் நேரடியாக விண்ணப்பித்து ஒற்றைச் சாளர முறையில் சுய சான்றின் அடிப்படையில் கட்டிட அனுமதி பெறலாம் என அவர் அறிவித்துள்ளார்.
குறிப்பு: மற்ற மாவட்டங்களுக்கும் இதேபோன்ற அறிவிப்புகள் அந்தந்த மாவட்ட ஆட்சியர்களால் வெளியிடப்பட்டுள்ளதா என்பதை பொதுமக்கள் அந்தந்த மாவட்ட நிர்வாக அலுவலகங்களைத் தொடர்புகொண்டு உறுதிப்படுத்திக் கொள்ளுமாறு அறிவுறுத்தப்படுகிறார்கள்.