தமிழகத்தில் காலாண்டு, அரையாண்டு, முழு ஆண்டு தேர்வு அட்டவணைகள் வெளியீடு!- பள்ளிக்கல்வித்துறை அறிவிப்பு!
TN School Academic Calendar Exam Dates 2025
TN School Academic Calendar Exam Dates 2025: தமிழக பள்ளிக் கல்வித் துறை, 2025-26 ஆம் கல்வி ஆண்டிற்கான நாட்காட்டியை (Academic Calendar) வெளியிட்டுள்ளது. இந்த நாட்காட்டியில் காலாண்டு, அரையாண்டு, மற்றும் முழு ஆண்டுத் தேர்வுகளுக்கான தேதிகள், விடுமுறை நாட்கள் மற்றும் புதிய கல்விசார் செயல்பாடுகள் குறித்த முக்கிய தகவல்கள் இடம்பெற்றுள்ளன.
மேலும் முக்கிய அறிவிப்புகள் மற்றும் வேலைவாய்ப்பு தொடர்பான அனைத்து தகவல்களையும் உடனுக்குடன் தெரிந்து கொள்ள எங்கள் whatsapp குரூப்பில் இணையுங்கள்
| Whatsapp Group | Join |
| Whatsapp Channel | Join |
கோடை விடுமுறைக்குப் பிறகு ஜூன் 2 அன்று பள்ளிகள் மீண்டும் திறக்கப்பட்ட நிலையில், இந்த அறிவிப்பு மாணவர்களுக்கும் பெற்றோர்களுக்கும் பயனுள்ளதாக அமையும்.
2025-26 ஆம் கல்வி ஆண்டின் முக்கிய அம்சங்கள்:
- வேலை நாட்கள்: இந்த கல்வி ஆண்டின் மொத்த வேலை நாட்கள் 210 ஆகும்.
- வாராந்திர விடுமுறை: வழக்கமாக சில சனிக்கிழமைகளில் பள்ளிகள் செயல்படுவது வழக்கம். ஆனால், இந்த ஆண்டு அனைத்து சனி மற்றும் ஞாயிற்றுக்கிழமைகளிலும் விடுமுறை விடப்படும் என அறிவிக்கப்பட்டுள்ளது. இது மாணவர்களுக்கு மகிழ்ச்சியளிக்கும் செய்தியாகும். எனினும், உள்ளூர் விடுமுறைகள் அல்லது இயற்கை பேரிடரால் ஏற்படும் விடுமுறைகளை ஈடுசெய்ய தேவைப்பட்டால், சனிக்கிழமைகளில் பள்ளிகள் செயல்பட வாய்ப்புள்ளது. இது குறித்த அறிவிப்புகள் அந்தந்த நேரத்தில் வெளியிடப்படும்.
புதிய கல்விசார் செயல்பாடுகள்:
- விளையாட்டு வகுப்புகள்: வாரத்திற்கு 2 விளையாட்டு வகுப்புகள் ஒதுக்கீடு செய்யப்பட வேண்டும்.
- 1 முதல் 5 ஆம் வகுப்பு மாணவர்களுக்கு: நன்னெறி வகுப்புகளுடன் கூடுதலாக, Easy English மற்றும் Fun with Maths போன்ற புதிய வகுப்புகள் நடத்தப்பட வேண்டும்.
- 6 முதல் 8 ஆம் வகுப்பு மாணவர்களுக்கு: மொழி ஆய்வகம், நூலகம், கல்விசார் செயல்பாடுகள் மற்றும் கல்வி சாரா செயல்பாடுகளுக்கு பாட வகுப்புகள் ஒதுக்கீடு செய்யப்பட வேண்டும்.
- மாணவர்களுக்கான பொது செயல்பாடுகள்: உயர்கல்வி வழிகாட்டி, உடல் நல மன்றம், சுற்றுச்சூழல் மன்றம், கலையரங்கம், வாய்ப்பாட்டு, நடனம் போன்ற கல்வி சாரா செயல்பாடுகளுக்கும் பாட வகுப்புகள் ஒதுக்கப்பட வேண்டும்.
- 11 மற்றும் 12 ஆம் வகுப்பு மாணவர்களுக்கு: நீதி போதனை, மதிப்புக் கல்வி, மனநலம் மற்றும் வாழ்வியல் திறன் ஆகியவற்றுக்கு பாட வகுப்புகள் ஒதுக்கீடு செய்யப்பட வேண்டும்.
- மனநல மற்றும் வாழ்வியல் திறன் பாடங்கள்: இந்த வகுப்புகளில் மாணவர்கள் தங்களைப் பற்றி எழுதுதல், கவனம் குவித்தல், ஸ்மார்ட் இலக்குகளை நிர்ணயித்தல், ‘உன்னை அறிந்தால்’ போன்ற மாணவர்களின் நல்வாழ்வு சார்ந்த பாடங்கள் எடுக்கப்பட வேண்டும்.
தேர்வுகள் மற்றும் விடுமுறை நாட்கள்:
- காலாண்டுத் தேர்வு: செப்டம்பர் 18 முதல் 26 ஆம் தேதி வரை காலாண்டுத் தேர்வு நடைபெறும்.
- காலாண்டு விடுமுறை: செப்டம்பர் 27 முதல் அக்டோபர் 5 ஆம் தேதி வரை (9 நாட்கள்) காலாண்டு விடுமுறை வழங்கப்படும். இந்த விடுமுறையில் ஆயுதபூஜை மற்றும் விஜயதசமி விடுமுறைகளும் அடங்கும்.
- அரையாண்டுத் தேர்வு: டிசம்பர் 15 முதல் டிசம்பர் 23 ஆம் தேதி வரை அரையாண்டுத் தேர்வு நடைபெறும்.
- அரையாண்டு விடுமுறை: டிசம்பர் 24 முதல் ஜனவரி 5 ஆம் தேதி வரை (12 நாட்கள்) அரையாண்டுத் தேர்வு விடுமுறை விடப்படும்.
- பொங்கல் விடுமுறை: 2026 ஜனவரி 14 (புதன்கிழமை) முதல் ஜனவரி 18 ஆம் தேதி வரை பொங்கல் விடுமுறை விடப்படும்.
- தைப்பூச விடுமுறை: 2026 பிப்ரவரி 1 ஆம் தேதி தைப்பூசத்திற்கான விடுமுறை வழங்கப்படுகிறது.
- முழு ஆண்டுத் தேர்வு: ஏப்ரல் 10, 2026 அன்று முழு ஆண்டுத் தேர்வுகள் தொடங்கும்.
- பள்ளியின் கடைசி வேலை நாள்: ஏப்ரல் 24, 2026 பள்ளியின் கடைசி வேலை நாளாகும்.
- கோடை விடுமுறை: ஏப்ரல் 25, 2026 முதல் அடுத்த கல்வி ஆண்டிற்கான கோடை விடுமுறை தொடங்கும்.
இந்த விரிவான நாட்காட்டி மாணவர்களின் கற்றல் மற்றும் வளர்ச்சிக்கு உறுதுணையாக இருக்கும் என எதிர்பார்க்கப்படுகிறது. மேலும் தகவல்களுக்கு, பள்ளி கல்வித் துறையின் அதிகாரப்பூர்வ அறிவிப்புகளைப் பார்க்கலாம்.